職趣事
啱啱畢業 下個月返第一份工 阿媽突然提出辭職靠佢養 網民：「一出身就要養成頭家，點算好？」
22 May 2025
啱啱畢業，下個月就開始返第一份full time，本應係展開人生新一頁。不過，有位香港fresh grad喺Threads呻苦，話阿媽突然提出辭職，以後靠樓主俾家用度日，搞到佢一頭煙：「我係咪以後冇自己生活，要養兩老一世？」
樓主補充話阿媽今年得45歲，但已經諗住退休，直接靠佢養。呢個post即刻引起大量共鳴，好多人都話「中晒招」。
有網民留言話自己都試過：「我一返全職，阿媽就即刻退休」，要佢俾三分一人工做家用，之後所有開支，包括新年、裝修、日常都係網友出錢，自己連去旅行都冇錢，更莫講話搬出去住。佢仲話：「阿媽一退休，頭一年冇乜問題，但之後日日喺屋企，又冇朋友、冇旅行，行街亂買嘢、成日打電話煩我……真係頂唔順。」一定要佢搵兼職，有收入、有嘢做，先唔會成日煩住你。
仲有網友分析得好實際：「月薪萬五蚊，養三條友？搞笑吓啦，真係唔係神科都難搞。」有啲人建議：「可以扮有計劃去工作假期，甚至轉做斜杠族，表面自由啲，但其實係想拆解屋企壓力。」
有啲仲教得更「實用」：「人工千祈唔好講實數，話自己初初入行，最多得萬零，仲要成日被壓力炒人。」唔好比人知道你搵幾多錢，以免變成人肉提款機。
最後一句講晒重點：「千祈唔好做屋企唯一支柱，做咗你就冇得揀，一輩子畀人困住。」
職場起步已經咁難，家庭壓力仲要百上加斤，真係唔係講笑。俾家用係責任，但你自己嘅前途都要顧。
好工推介
職場熱話
- 1
- 2
-
酒店管理三年制學士課程 理論＋實踐 提升軟實力
TOP 1 -
「職場新丁」勿放棄儲蓄及投資 盤點6大低門檻方法 捕捉股市升勢兼收息
TOP 2 -
辭職休息就等於懶 網民：香港職場對休息仍相當保守
TOP 3 -
同同事打招呼但係被無視 網民：係咪香港職場先會咁？
TOP 4 -
返工鍾意獨處 唔合群就係錯？3種方法保持最低限度溝通
TOP 5
-
微軟研究：「無限工作日」成職場新常態 朝六收電郵 晚十開會 每日平均收270工作訊息
TOP 6 -
七一放假好去處 海洋公園二人同行八折 M＋科學館免費入場
TOP 7 -
郵政署招聘會計主管 月薪$18,916 申請人須具備咩條件？
TOP 8 -
中大調查：七成市民認為香港貧富懸殊嚴重 約一成表示入不敷支
TOP 9 -
研究：社會氛圍複雜多變 四分之一對職涯持負面看法 49％人對未來財政狀況感不安
TOP 10
